اسرائیل سے جنگ بندی کے معاہدے پر دستخط نہیں کیے، حماس

غزہ : حماس نے مصالحت کاروں پر واضح کردیا ہے کہ مکمل جنگ بندی کے بغیر اسرائیل سے کوئی معاہدہ نہیں کیا جائے گا۔ حماس کی جانب سے جاری کردہ اعلامیہ کے مطابق کہا گیا ہے اسرائیل سے تاحال کسی قسم کا کوئی معاہدہ نہیں کیا گیا اس سلسلے میں قطری وزیر خارجہ کا بیان عجلت پسندی کے سوا کچھ نہیں ہے۔ حماس نیتن یاہو کی شرائط پر معاہدہ نہیں کرے گی۔ غزہ سے اسرائیلی فوج کے مکمل انخلا اور تمام جنگی قیدیوں کے رہائی کے بعد ہی اسرائیلی یرغمالیوں کو رہا کیا جائے گا۔ غزہ میں کسی بھی جگہ اسرائیل کا مکمل کنٹرول نہیں ہے۔شمالی، وسطی اور جنوبی غزہ پر حماس کے فدائی اسرائیلی غاصبوں کا شکار کررہے ہیں۔