Raza Musani 
غزہ: حماس نے ایک اور اسرائیلی یرغمالی کی لاش اسرائیل کے حوالے کردی۔ جبکہ اسرائیلی فوج نے مغربی کنارے میں دو فلسطینی بچوں کو شہید کردیا۔ حماس کے القسام بریگیڈ نے خان یونس سے ملنے والی لاش ریڈ کراس کے حوالے کی۔ اسرائیل نے لاش ملنے کی تصدیق کردی۔ مزید تین یرغمالیوں کی باقیات ابھی غزہ میں موجود ہیں۔
حماس کے ترجمان حازم قاسم نے کہا ہےکہ جلد از جلد باقی لاشیں حوالے کرنے کے خواہاں ہیں۔
مقبوضہ مغربی کنارے کے شہر ہیبرون کے قصبے بیت عمر میں اسرائیلی فوج نے دو فلسطینی بچوں کو گولی مار کر شہید کر دیا۔ جبکہ مشرقی یروشلم میں اسرائیلی فائرنگ سے بچے سمیت تین افراد زخمی ہوگئے۔ حماس نے اسرائیل کی نوجوانوں اور بچوں کو نشانہ بنانے کی پالیسی کو فاشسٹ اور ہولناک جرم قرار دیا ہے۔
