گھروں کو تباہ کرنا جنگ جاری رکھنے کا ثبوت ہے، حماس

غزہ : حماس نے کہاہے کہ اسرائیل کا مغربی کنارے میں گھروں کو تباہ کرنا جنگ جاری رکھنے کا ثبوت ہے۔ مغربی کنارے میں اسرائیل کی وحشیانہ کارروائیوں پر ردعمل میں حماس نے ایک بیان میں کہا کہ اسرائیل کی بڑھتی کارروائیاں مجرمانہ اقدام کی عکاسی کرتی ہیں۔ عالمی برادری کی خاموشی کے باعث اسرائیلی جنگی جرائم جاری ہیں۔ حماس نے کہاکہ عرب اور اسلامی ممالک اپنی تاریخی ذمہ داریاں ادا کریں۔ اسرائیل خطے کے امن کو خطرے میں ڈال رہا ہے، اسے روکا جائے۔