حماس کا غزہ کے بے گھروں کیلئے ایک لاکھ پینتیس ہزار خیموں کا مطالبہ

غزہ : حماس کے میڈیا آفس نے ایک بیان میں کہا ہے کہ غزہ اور شمالی گورنری کو ایک لاکھ 35 ہزار خیموں اور کارواں کی فوری ضرورت ہے۔ حماس نے کہاکہ اسرائیلی فوج کی طرف سے دونوں گورنریوں میں تباہی کا تناسب 90 فیصد سے زیادہ ہے۔ انہوں نے عالمی برادری، بین الاقوامی تنظیموں اور عرب ممالک سے مطالبہ کیا کہ وہ راہداریاں کھولنے کے لیے کام کریں اور لوگوں کو پناہ دینے کے لیے بنیادی سامان کی فراہمی پر توجہ دیں۔ حماس نے یہ بھی نشاندہی کی کہ اس وقت 5500 سے زائد سرکاری ملازمین جنوبی اور وسطی گورنریٹس سے تمام سرکاری اداروں، وزارتوں سے غزہ اور شمالی گورنریٹس میں بے گھروں کی واپسی میں سہولت فراہم کرنے کے لیے کام کر رہے ہیں۔