قید میں حماس کا سلوک شریفانہ، نرم اور اچھا تھا، اسرائیلی خاتون

غزہ: انسانی ہمدردی کی بنیاد پر حماس کی قید سے رہائی پانیوالے خاتون نے کہاہےکہ دوران حراست حماس کا سلوک شریفانہ نرم اور اچھا تھا۔ 85 سالہ اسرائیلی خاتون یوچیوڈ لیفشٹز نے پریس کانفرنس میں کہا کہ مجھے اور میرے ساتھی مغویان کو دوران حراست ہر دو یا تین دن بعد ڈاکٹر بھی دیکھتا رہا اور ہماری ہر طرح کی ضروریات کا خیال رکھا گیا۔ جہاں انہیں رکھا گیا تھا اس جگہ کے بارے میں خاتون نے کہا یہ مکڑی کے جالے کی طرح کوئی پیچیدہ سی سرنگ تھی۔ جس پر وہ اپنے دیگر مغوی ساتھیوں کے ساتھ محبوس تھیں۔ یہاں حماس کے لوگوں کا سلوک نرمی والا تھا اور ہماری ضروریات کا خیال رکھا جاتا تھا۔
ادھر اسرائیلی فوج نے یرغمالیوں کے بارے میں معلومات فراہم کرنے والوں کو انعام کی ترغیب دے دی۔ اسرائیلی فوج نے یرغمالیوں کے ٹھکانے اور درست معلومات فراہم کرنے پر نقد رقم دینے اور تحفظ کی پیشکش کے پمفلٹ فضا سے غزہ میں گرائے ہیں۔