Raza Musani 
غزہ : حماس نے امریکا سے براہ راست بات چیت کے بعد امریکی نژاد اسرائیلی فوجی ایڈان الیگزینڈر کو رہا کرنے کا اعلان کردیا۔ٹرمپ نے اعلان کا خیرمقدم کیا ہے۔ حماس نے ایک بیان میں کہا ہے کہ ثالثوں کی جنگ بندی کی کوششوں کے ایک حصے کے طور پر اسرائیلی نژاد امریکی فوجی ایڈان الیگزینڈر کو رہا کردیا جائے گا۔ حماس نے کہا کہ یہ اقدام خیرسگالی کے طور پر کیا جائے گا۔ جس کا مقصد جنگ بندی اور غزہ میں امداد کے داخلے کیلئے معاہدے کی راہ ہموار کرنا ہے۔
امریکی صدر ڈونلڈ ٹرمپ نے امریکی فوجی کی رہائی کے اعلان کا خیرمقدم کیا ہے۔ انہوں نے کہا کہ امید ہے کہ تمام یرغمالی رہا کیے جائیں گے اور جنگ ختم ہو جائے گی۔ ٹرمپ نے اپنی سوشل میڈیا پوسٹ میں لکھا کہ میں ان تمام لوگوں کا مشکور ہوں، جنہوں نے اس خبر کو یادگار بنانے میں کردار ادا کیا۔ ٹرمپ کے خیرمقدم کے باجود اسرائیلی وزیراعظم نیتن یاہو کے دفتر کا کہنا ہے کہ اسرائیل نے الیگزینڈر کی رہائی کے لیے کسی بھی قسم کی جنگ بندی کا وعدہ نہیں کیا ہے۔ صرف اس کی رہائی کیلئے ایک محفوظ راہداری کی اجازت دی جائے گی۔
