Raza Musani 
غزہ : حماس نے ہفتے کو تین کے بجائے چھ قیدی رہا کرنے کا اعلان اور باقی تمام قیدی ایک ساتھ رہا کرنے کی مشروط پیش کش کردی۔ حماس کے ترجمان حازم قاسم نے ایک بیان میں کہا ہے کہ قیدیوں کی تعداد دگنی کرنے کا فیصلہ ثالثوں کی درخواست اور معاہدے کی تمام شرائط پر عمل درآمد میں ہماری سنجیدگی ثابت کرنے کے لیے کیا گیا۔ انہوں نے کہا کہ یرغمالیوں کے بدلے اسرائیل عمر قید اور لمبی سزاؤں کے حامل متعدد قیدیوں کو رہا کرے گا۔ انہوں نے کہا کہ اگر اسرائیل مستقل جنگ بندی اور فوجی انخلا کرنے پر آمادہ ہو جائے تو تمام اسیروں کو ایک ساتھ رہا کیا جاسکتا ہے۔
حازم قاسم نے حماس کے اسلحہ میں تحفیف اور غزہ سے باہر نکالنے کو مسترد کرتے ہوئے کہا کہ غزہ کے مستقبل کے لیے کوئی بھی انتظام قومی اتفاق رائے سے ہوگا۔
