Raza Musani 
دوحہ : حماس نے اسرائیلی نژاد امریکی اسیر کی رہائی اور دُہری شہریت کےحامل چار افراد کی لاشیں حوالے کرنے پر رضامندی ظاہر کردی۔ حماس رہنما حسام بدران نےکہا ہے کہ ثالثوں کی جانب سے مذاکرات کا دوسرا مرحلہ شروع کرنے کی یقین دہانی پر مثبت جواب دیا۔حماس جنگ بندی معاہدے کو مختلف مراحل میں نافذ کرنے کے لیے پرعزم ہیں۔ اسرائیل کی طرف سے کوئی بھی انحراف ہمیں دوبارہ چوک پر لے جائے گا۔
اسرائیلی وزیراعظم بنیامین نیتن یاہو کے دفتر نے حماس کی پیشکش پر شک کا اظہار کرتے ہوئے کہا ہے کہ حماس قطر میں جنگ بندی کے حوالے سے جاری مذاکرات کو خراب کرنا چاہتی ہے۔ نیتن یاہو کے دفتر نے کہا کہ اسرائیل نے وٹکوف کی تجویز کو قبول کیا ہے اور لچک کا مظاہرہ کیا ہے لیکن حماس اس سے انکار کر رہی ہے اور وہ اپنے موقف سے پیچھے نہیں ہٹے گی۔
