Raza Musani 
آکسفورڈ : امریکا میں گن کلچر شہریوں کیلئے موت کی علامت بن چکا ہے۔ ریاست مشی گن کے شہر آکسفورڈ کے ہائی اسکول میں فائرنگ کا واقعہ پیش آیا۔ جس میں تین طالب علم ہلاک اور 8افراد زخمی ہوگئے۔ پولیس کے مطابق 15 سالہ طالب علم نے اسکول کے اندر گھس کر اپنے ساتھی طالب علموں کو نشانہ بنایا جسے حراست میں لے لیا گیا ہے مرنے والوں کی عمریں 14 سے 17سال کے درمیان ہیں۔ ان میں دو طالبات بھی شامل ہیں۔ فائرنگ سے ایک استاد بھی زخمی ہوئے۔ دو زخمیوں کی حالت تشویشناک بتائی جاتی ہے۔
