گلگت، مزید دو نوجوان دم توڑ گئے، شہداء کی تعداد 10 ہو گئی

رہبر معظم سید علی خامنہ ای کی شہادت پر گلگت میں احتجاج کرنے والے نوجوانوں پر مبینہ طور پر سکیورٹی فورسز کی فائرنگ سے شہید ہونے والوں کی تعداد 10 ہو گئی۔ جمعرات کے روز مزید دو زخمی نوجوان ہسپتال میں دم توڑ گئے۔ شہدا کی نماز جنازہ مرکزی امامیہ جامع مسجد گلگت میں سید راحت حسین کی اقتداء میں ادا کی گئی جس میں ہزاروں مومنین نے شرکت کی۔ یاد رہے کہ رہبر معظم کی شہادت کیخلاف ملک بھر کی طرح گلگت میں بھی سخت احتجاج کیا گیا تھا جس دوران مبینہ طور پر سکیورٹی فورسز کی فائرنگ سے 6 افراد موقع پر ہی شہید جبکہ درجنوں زخمی ہوئے تھے۔ بعد میں مزید چار زخمی نوجوان دم توڑ گئے۔