غزہ نسل کشی کی تباہ کن صورتِ حال سے دوچار ہے، اسپین

برسلز : ہسپانوی وزیرِ اعظم پیڈرو سانچیز نے کہا ہے کہ غزہ نسل کشی کی تباہ کن صورتِ حال سے دوچار ہے۔ انہوں نے یورپی یونین پر زور دیا کہ وہ اسرائیل کے ساتھ تعاون کا معاہدہ فوری طور پر معطل کرے۔
برسلز میں یورپی یونین کونسل کے اجلاس سے قبل ایک نیوز کانفرنس میں پیڈرو سانچیز نے غزہ میں جارحانہ کارروائیوں کے باوجود اسرائیل کے خلاف کارروائی کرنے میں ناکامی پر یورپی یونین پر کڑی تنقید کی اور دُہرے معیار کا الزام لگایا۔ انہوں نے کہا کہ یورنین یونین نے یوکرین کے ساتھ جنگ پر روس کیخلاف پابندیاں عائد کرنے پرزور دیا جبکہ بین الاقوامی قانون کی خلاف ورزیوں اور معاہدے میں متعین اصولوں کی خلاف ورزی کے باجود شراکت داری کے معاہدے کو برقرار رکھا۔
سانچیز نے کہا کہ یہ بات نہایت واضح ہے کہ اسرائیل اپنی ذمہ داریوں کی خلاف ورزی کر رہا ہے۔ یورپی یونین کو تعاون کا معاہدہ فوری طور پر معطل کر دینا چاہیے۔