Raza Musani 
جنیوا : ورلڈ ہیلتھ آرگنائزیشن نے غزہ کے اسپتالوں کو موت کے مسکن قرار دے دیا ہے۔ ورلڈ ہیلتھ پروگرام اور اقوام متحدہ کے ادارہ برائے انسانی امور نے غزہ میں صحت کی سہولیات کی تباہی پر تشویش کا اظہار کیا ہے۔غزہ میں یرقان اور دیگر امراض تیزی سے پھیل رہے ہیں۔ ورلڈ ہیلتھ آرگنائزیشن کے مطابق بھوک، غذائی قلت اور غیر متوازن خوراک سے ہزاروں بچے موت کی دہلیز پر پہنچ چکے ہیں۔ بمباری سے زیادہ اموات بھوک سے ہوسکتی ہیں۔ ادارہ برائے انسانی امور کے مطابق غزہ میں زیادہ امداد کی ضرورت ہے جہاں کوئی نظام موجود نہیں ہے اور مریض مررہے ہیں۔ زخمی دم توڑ رہے ہیں۔ بمباری سے معصوم بچے اور حاملہ عورتوں کو قتل کیاجارہا ہے.
