Raza Musani 
غزہ : غزہ میں سول ڈیفنس نے محدود وسائل کے باوجود ملبے میں دبی لاشیں نکالنے کا کام تیز کردیا ہے۔ غزہ سٹی کے علاقے مغربی رملہ میں دو سال پہلے اسرائیلی حملے میں تباہ سالم خاندان کے گھر کے ملبے سے تیس شہدا کی لاشیں نکال لی گئیں۔ جس میں بچے اور خواتین شامل ہیں۔
سول ڈیفنس نے گذشتہ روز بھی غزہ سٹی میں مکانات کے ملبے سے پینتالیس افراد کی لاشیں نکالی تھیں۔ سول ڈیفنس کے میڈیا آفس نے بتایا کہ ریڈ کراس کے تعاون سے گھروں کے ملبے سے لاشیں نکالنے کا کام شروع کیا ہے۔ انتہائی دشوار حالات کے باوجود تلاش اور بچاؤ کے کام محدود آلات کے ذریعے جاری رہیں گے۔
ایک اندازے کے مطابق تباہ مکانات اور عمارتوں کے ملبے میں دس ہزار سے زائد شہدا کی لاشیں دبی ہوئی ہیں۔
