Raza Musani 
سعودی وزیرِ خارجہ شہزادہ فیصل بن فرحان نے جی ٹوئنٹی ممالک پر زور دیا ہے کہ وہ غزہ میں جنگ کے خاتمے کے لیے بامعنی اقدامات کے لیے دباؤ ڈالیں۔ برازیل کے شہر ریو ڈی جنیرو میں جی ٹوئنٹی وزرائے خارجہ کے اجلاس سے خطاب میں سعودی وزیرِ خارجہ نے کہاکہ جی ٹوئنٹی ممالک دو ریاستی حل کی جانب قابل اعتبار اور ناقابل واپسی راستے کی حمایت کریں۔
سعودی وزیرخارجہ نے خاص طور پر غزہ کی المناک صورتحال سے نمٹنے کے لیے بین الاقوامی اداروں کی عالمی سطح پر اپنے وعدوں کو پورا کرنے اور اپنے مؤقف میں واضح ہونے کی اہمیت پر بھی زور دیا۔
