Raza Musani 
پیرس : فرانسیسی صدر ایمانوئل میکرون نے کہا ہے کہ فرانس آنے والے مہینوں میں فلسطینی ریاست کو تسلیم کرسکتا ہے۔ فرانس 5 ٹی وی سے بات کرتے ہوئے فرانسیسی صدر میکرون نےکہاکہ ان کا مقصد اسرائیل فلسطین تنازع پر سعودی عرب میں ہونیوالی کانفرنس میں فلسطینی ریاست کے اقدام کو حتمی شکل دینا ہے۔ فرانس اس کانفرنس میں سعودی عرب کے ساتھ مشترکہ میزبان ہے۔ فرانس کے صدر نے مزید کہا کہ ہمیں فلسطین کو ایک ریاست کی حیثیت سے تسلیم کرنے کی طرف بڑھنا چاہیے اور ہم آنے والے چند مہینوں میں ایسا کریں گے۔ ایمانوئل میکرون کا کہنا تھا کہ وہ ایسا کسی کو خوش کرنے کے لیے نہیں کررہے بلکہ ایسا کرنا ہی درست ہوگا۔
فلسطینی وزیر ورسین آغابیکیان شاہین نے کہا ہے کہ فرانسیسی صدر کا بیان فلسطینی عوام کے حقوق کے تحفظ اور دو ریاستی حل کے سلسلے میں درست سمت کی جانب ایک قدم ہے۔
