فوجی عدالتوں کیخلاف فیصلہ آئینی ہے اسے تسلیم کیا جائے، رضا ربانی

اسلام آباد: پاکستان پیپلز پارٹی کے سینیٹر رضا ربانی کا کہنا ہے کہ ملٹری کورٹس کے خلاف سپریم کورٹ کا فیصلہ آئین کے مطابق تھا، اسے تسلیم کرنا چاہیئے تھا۔ سینیٹ اجلاس میں اظہار خیال کرتے ہوئے سینیٹر رضا ربانی نے کہا کہ سینیٹ سے منظور کی گئی قرارداد کی مذمت کرتے ہیں، وہ اکثریت کے جذبات کی عکاس نہیں۔
جماعت اسلامی کے سینیٹر مشتاق احمد نے کہا کہ جب قرارداد پیش ہوئی تو انہوں نے اور رضا ربانی نے اس کی مخالفت کی، اس دن قرارداد پر بولنے کا موقع نہیں دیا گیا۔ سینیٹر مشتاق احمد خان نے کہا کہ ایوان سے مطالبہ ہے کہ اس دن کی قرارداد کو مسترد کیا جائے۔