جنوب مشرقی ایشیا میں سیلاب اور لینڈ سلائیڈنگ، ہلاکتوں کی تعداد 350 سے متجاوز

جکارتہ: جنوب مشرقی ایشیا میں سیلاب اور لینڈ سلائیڈنگ کی تباہ کاریاں جاری ہیں جہاں انڈونیشیا، تھائی لینڈ اور ملائیشیا میں ہلاکتوں کی تعداد 350 سے بھی تجاوز کر چکی ہے۔
خبر ایجنسی کے مطابق انڈونیشیا کے صوبے سوماترا میں 200 سے زائد افراد جاں بحق اور 100 سے زیادہ لاپتہ ہیں۔
تھائی لینڈ کے صوبے سونگ کھلا میں سیلاب اور بارشوں سے 145 افراد ہلاک ہو چکے ہیں۔
ملائیشیا میں بھی 2 افراد بارشوں اور سیلاب کے باعث جاں بحق ہوئے، سری لنکا میں سائیکلون "دتواہ” نے تباہی مچا دی 153 افراد ہلاک ہوئے۔
سری لنکن ڈیزاسٹر مینجمنٹ سینٹر کے مطابق 191 افراد تاحال لاپتہ ہیں، 43 ہزار سے زائد متاثرین کو فلاحی مراکز میں منتقل کر دیا گیا۔