Raza Musani 
غزہ : صیہونی فوج نے مظلوم فلسطینیوں کیخلاف جارحیت کا سلسلہ جاری رکھا ہوا ہے۔ اسرائیل کے تازہ حملوں میں پانچ فلسطینی شہید ہوگئے۔ اسرائیلی ڈرون نے غزہ سٹی میں فلسطینی بچوں پر فائرنگ کردی جس کے نتیجے میں چار بچے جان سے گئے۔ بچوں پر اس وقت فائرنگ کی گئی جب وہ جلانے کیلئے لکڑیاں جمع کررہے تھے جبکہ ساحلی علاقے سدانیا میں کشتی پر فائرنگ سے ایک فلسطینی ماہی گیر شہید ہوا۔
وسطی غزہ میں بھی صیہونی فوج نے فلسطینیوں کے ہجوم پر گولیوں کا نشانہ بنایا جس میں کئی فلسطینی زخمی ہوگئے۔
ادھر ملبے سے لاشیں نکالنے کا سلسلہ بھی جاری ہے۔ غزہ سٹی کے علاقے زیتون سے مزید چار لاشیں ملی ہیں۔
