Raza Musani 
رام اللہ : مغربی کنارے میں صیہونی فوج اور مزاحمت کاروں میں شدید جھڑپیں جاری ہیں۔ جس میں ایک صیہونی فوجی مارا گیا۔ مغربی کنارے کا شہر جنین گذشتہ گیارہ روز سے صیہونی فوج کے محاصرے میں ہے۔ توپ خانے اور ڈرونز سے صیہونی فوج نے آج بھی مختلف مقامات کو نشانہ بنایا۔ جنین پناہ گزین کیمپ کے الیامون قصبے میں حملے سے تین خواتین شدید زخمی ہوگئیں۔ مزاحمت کاروں نے بارودی مواد سے فوجی گاڑی کو اڑادیا جس سے کئی فوجی ہلاک و زخمی ہوئے۔
پناہ گزین کیمپ میں ایک تباہ مکان میں چھپے مزاحمت کاروں سے جھڑپ میں ایک صیہونی فوجی ہلاک اور پانچ شدید زخمی ہوگئے۔
ادھر طولکرم میں بھی صیہونی فوج نے چھاپہ مار کارروائیاں جاری رکھیں۔ اسلامی جہاد کے مسلح ونگ طولکرم بٹالین نے کہا کہ اس کی جنوبی محلے میں اسرائیلی انفنٹری فورس کے ساتھ جھڑپ ہوئی ہے، جس میں مصدقہ ہلاکتیں ہوئی ہیں۔
