Raza Musani 
تل ابیب: اسرائیلی فوجی بیرون ممالک میں گرفتاری سے بچنے کیلئے سفر سے پہلے سوشل میڈیا اکاؤنٹس ڈیلیٹ کرنے لگے۔ مڈل ایسٹ مانیٹر ویب سائٹ کے مطابق اسرائیلی فوجیوں کو غزہ اور لبنان میں جنگی جرائم اور انسانیت کے خلاف جرائم کے الزامات کے تحت بیرون ملک گرفتاریوں کا خوف لاحق ہے۔ رپورٹ کے مطابق برازیل کے دارالحکومت ریو ڈی جنیرو میں اگلے ماہ میلے میں شرکت کرنے کیلئے جانے والے اسرائیلی فوجیوں کے سوشل میڈیا اکاؤنٹس ڈیلیٹ کیے جانے کا انکشاف ہوا ہے۔ رپورٹ کے مطابق فلسطینی تنظیم ہند رجب فاؤنڈیشن نے اسرائیلی فوجیوں کے سوشل میڈیا اکاؤنٹس اور دیگر مواد کے ذریعے فلسطینیوں کے خلاف جنگی جرائم کے شواہد جمع کیے ہیں۔ فاؤنڈیشن نے سوئیڈن، برازیل اور اٹلی میں اسرائیلی فوجیوں کے خلاف مقدمات بھی درج کروائے۔
یاد رہے کہ رواں ماہ برازیل کی ایک عدالت میں اسرائیلی فوجی کے خلاف جنگی جرائم کا مقدمہ درج ہونے پر وہ رات کے اندھیرے میں برازیل سے فرار ہو گیا تھا۔
