Raza Musani 
المیادین ٹی وی کی رپورٹ کے مطابق صیہونی میڈیا سروے کے مطابق 81 فیصد سے زائد صیہونی آبادکار حزب اللہ لبنان کے حملوں سے خائف ہو کر شمالی مقبوضہ فلسطین سے جا چکے ہیں۔ ان ذرائع کا کہنا ہے کہ حزب اللہ جب تک دریائے لیتانی کے اس پار تک پیچھے نہیں ہٹتی ہے یہ صیہونی شمالی مقبوضہ فلسطین میں واپس لوٹنے پر تیار نہیں ہیں۔ غزہ جنگ شروع ہونے کے بعد حزب اللہ لبنان نے صیہونی فوجی ٹھکانوں پر مسلسل حملے کئے ہیں جس کی بنا پر ہزاروں کی تعداد میں غاصب صیہونی شمالی مقبوضہ فلسطین سے جا چکے ہیں۔
رائیٹر نیوز ایجنسی نے بھی مقبوضہ فلسطین کے بارے میں ایک رپورٹ میں کہا ہے کہ گذشتہ سال اکتوبر سے اب تک شمالی مقبوضہ فلسطین سے تقریباً ساٹھ ہزار صیہونی، حزب اللہ لبنان کے حملوں سے خائف ہو کر جا چکے ہیں جبکہ صیہونی وزیراعظم نیتن یاہو میں بھی حزب اللہ سے مقابلہ کرنے میں خوف پایا جاتا ہے۔
