سمندری طوفان سے پاکستان اور ہندوستان کے ساحلی علاقوں میں خوف

کراچی: بحیرہ عرب میں بننے والے طوفان بیپور جوئے نے پاکستان اور ہندوستان کے ساحلی علاقوں میں خوف کی لہر دوڑادی ہے۔ پاکستان میں محکمہ موسمیات کے مطابق طوفان بیپور جوئے کا رُخ بدستور شمال کی جانب ہے۔ اس کا فاصلہ کراچی سے 600 کلو میٹر رہ گیا ہے۔ طوفان شمال مشرق و جنوب مشرقی سندھ اور بھارتی گجرات کے درمیان 15 جون کی دوپہر ٹکرا سکتا ہے۔ طوفان کے ارد گِرد ہواؤں کی رفتار 220 کلومیٹر فی گھنٹہ کی رفتار سے بڑھ رہی ہے۔ طوفان سے شدید بارش, طوفانی ہواؤں اور سیلاب کے خدشات کے پیش نظر ہنگامی حالت نافذ کردی گئی ہے۔ لوگوں کو منتقل کردیا گیا ہے۔ ادھر ہندوستان میں گجرات۔ کرناٹک اور کیرالا سمیت سات صوبوں میں بھی الرٹ جاری کردیا گیا ہے۔ ممبئی میں یلوالرٹ جاری کرکے پروازیں منسوخ کردی گئی ہیں۔