اسرائیل کیخلاف جہاد کا فتوی غیر ذمہ دارانہ عمل ہے، مصری مفتی

قاہرہ : مصر کے مفتی اعظم نذیر ایاد نے انٹرنیشنل یونین آف مسلم اسکالرز کے اسرائیل کیخلاف جہاد کے فتوے کو غیر ذمہ دارانہ قرار دیکر مسترد کردیا۔ نذیر عیاد نے کہا کہ کسی بھی انفرادی گروہ یا ادارے کو یہ حق نہیں ہے کہ وہ شرعی اصولوں اور اس کے اعلیٰ مقاصد کے منافی ایسے نازک معاملات پر فتویٰ جاری کرے۔ انہوں نے مزید کہا کہ اس طرح کے اقدامات معاشروں کی سلامتی اور مسلم ریاستوں کے استحکام کو خطرے میں ڈال سکتے ہیں۔ انہوں نے کہا کہ فلسطینی عوام کی ان کے جائز حقوق میں حمایت کرنا ایک مذہبی، انسانی اور اخلاقی فریضہ ہے۔ تاہم یہ حمایت اس طریقے سے کی جانی چاہیے جو فلسطینی عوام کے مفادات کے مطابق ہو۔ عیاد نے مزید کہا کہ فوجی مداخلت اور جہاد کی دعوت دینے کے بجائے، یہ مسلم ممالک کی عقلمندی ہے کہ وہ تناؤ کو کم کرنے کی کوشش کریں۔