غزہ میں طبی راہداریوں کو توسیع نہ دی گئی تو خطرناک نتائج برآمد ہونگے، عالمی ادارہ صحت

غزہ : عالمی ادارہ صحت نے خبردار کیا ہے کہ غزہ میں طبی راہداریوں کو توسیع نہ دی گئی تو خطرناک نتائج برآمد ہونگے۔ عالمی ادارہ صحت کے نمائندے رِک پیپرکورن نے غزہ میں ویڈیو کانفرنس میں کہا کہ غزہ میں طبی راہداریوں کو وسعت دینے کی ضرورت ہے۔ بصورت دیگر مریضوں کو نکالنے کے لیے برسوں لگ جائیں گے جس کے خطرناک نتائج برآمد ہوں گے۔ انہوں نے کہا کہ رفح کے راستے مصر جانے والے مریضوں میں اضافہ ہونا چاہئے۔ اس کے ساتھ ساتھ دیگر طبی راہداریاں بھی کھولی جائیں۔
پہلا میڈیکل کوریڈور جسے ہم واقعی بحال دیکھنا چاہتے ہیں وہ مغربی کنارے اور مشرقی یروشلم کے لیے روایتی راستہ ہے۔ مشرقی یروشلم اور مغربی کنارے میں اسپتال مریضوں کو وصول کرنے کے لیے تیار ہیں۔ انہوں نے کہاکہ غزہ سے بارہ سے چودہ ہزار مریضوں کو انخلاء کی ضرورت ہے جن میں کم از کم پانچ ہزار بچے بھی شامل ہیں۔