Raza Musani 
شیراز: شیراز میں واقع امام رضا علیہ السلام کے بھائی امام زادہ شاہ چراغ علیہ السلام کے مزار پر حملے میں ملوث دو ملزمان کو تختہ دار پر چڑھادیا گیا۔ دہشت گردانہ حملوں میں ملوث دو افراد کو عدالتی کارروائیوں کے دوران دس مرتبہ پیشی کے ان کے وکلاء کی موجودگی میں سزا کی توثیق کی گئی۔ دونوں مجرموں کو طلوعِ آفتاب سے پہلے شاہ چراغ مزار سے ملحقہ سڑک پر سرِعام پھانسی دی گئی۔ گذشتہ سال 26 اکتوبر کو مزار پر حملے میں 13 افراد شہید اور 20 زخمی ہوئے تھے۔ واقعے کے بعد عدالت کی جانب سے فوری تحقیقات کا حکم جاری کیا گیا جس کے بعد 8 دسمبر کو واقعے میں ملوث ہونے کے شبہ میں 5 افراد کو قانون نافذ کرنے والے اداروں نے تحویل میں لیا تھا۔
ملزمان نے دہشت گردی کے واقعے میں ملوث ہونے کی تصدیق کی جس کے بعد فساد پھیلانے اور ملکی سالمیت کیخلاف سرگرمیوں میں ملوث ہونے کے جرم میں عدالت نے پھانسی کا حکم جاری کیا تھا۔
