غزہ میں ہر فرد بھوک کا شکار ہے، سربراہ اقوام متحدہ

نیویارک :اقوام متحدہ کے سربراہ انتونیو گوتریس نے ایک بار پھر غزہ میں امداد فراہمی کی اپیل کر دی۔ انتونیو گوتریس نے کہا کہ غزہ میں ہر فرد بھوک کا شکار ہے۔ غزہ کے 17 لاکھ لوگ گھروں سے دربدر ہوچکے ہیں۔ اقوام متحدہ سیکریٹری جنرل نے مزید کہا کہ غزہ میں انسانی ضروریات کا نظام تباہ ہوگیا ہے۔ غزہ میں فوری، بلا رکاوٹ، وسیع اور مستقل امداد کی فراہمی یقینی بنائی جائے۔