یورپی یونین کا اسرائیل سے معاہدہ معطل نہ کرنا ظلم ہے، ایمنسٹی

نیویارک : ایمنسٹی انٹرنیشنل نے کہاہےکہ یورپی یونین نے اسرائیل کے ساتھ معاہدے کو معطل کرنے سے انکار کرکے ظلم اور انسانی حقوق کی سنگین خلاف ورزی ہے۔
ایمنسٹی انٹرنیشنل کی سربراہ ایگنس کالمارڈ نے ایک بیان میں کہا ہے کہ یورپی یونین کا اسرائیل کے ساتھ تعاون کا معاہدہ معطل نہ کرنا، فلسطینی عوام کے حقوق کی پامالی اور انسانی حقوق، بین الاقوامی قوانین اور یورپی یونین کے اپنے اصولوں کی خلاف ورزی ہے۔ انہوں نے کہا کہ یورپی رہنماؤں کو اسرائیلی جرائم کے خلاف اصولی موقف اپنانے کا موقع ملا لیکن اس کے بجائے غزہ میں نسل کشی، فلسطینی سرزمین پر غیر قانونی قبضے اور فلسطینیوں کے خلاف نسل پرستی کے نظام کو جاری رکھنے کے لیے ہری جھنڈی دکھادی گئی۔ انہوں نےکہا کہ یہ سیاسی بزدلی سے بڑھ کرہے۔ یہ عمل جرائم کے مرتکب افراد کو انتہائی خطرناک پیغام دیتا ہے کہ وہ نہ صرف سزا سے محروم رہیں گے بلکہ انہیں انعام دیا جائے گا۔