Raza Musani 
تہران : ایٹمی توانائی ایجنسی نے ایران کے خلاف یورپی ممالک کی قرارداد منظور کرلی ۔ قرارداد کے حق میں انیس ووٹ پڑے۔ بارہ ممالک غیر حاضر رہے جبکہ چین ۔ روس اور نائیجر نے مخالفت میں ووٹ دیا۔
قرارداد میں ایران سے مطالبہ کیا گیا ہے کہ وہ اپنے یورینیم کے ذخائر اور متاثرہ ایٹمی تنصیبات کی تفصیلات فراہم کرے اور ان تک مکمل رسائی دے۔
ایران نے قرارداد کو غیر قانونی اور ناجائز قرار دیکر مسترد کردیا۔ ایرانی وزیرخارجہ عباس عراقچی نے اس اقدام کو چار ممالک کے دباؤ کا نتیجہ قرار دیا۔ انہوں نے کہا کہ فیصلہ آئی اے ای اے کی آزادی اور ساکھ کو کمزور کرتا ہے۔ اس سے ایران اور جوہری ایجنسی کے درمیان جاری تعاون بری طرح متاثر ہوگا۔
