Raza Musani 
برسلز : یورپین سول سوسائٹی کی 41 تنظیموں نے یورپ میں بڑھتے ہوئے اسلاموفوبیا سے نمٹنے اور مسئلے کو یورپی اداروں کے ساتھ بامقصد طریقے سے اٹھانے کیلئے اتحاد کا فیصلہ کیا ہے۔ تمام تنظیموں کے مشترکہ پلیٹ فارم دی کولیکٹیو فار کاؤنٹرنگ اسلاموفوبیا ان یورپ کے بیان میں کہا گیا ہےکہ موجودہ فرنچ ای یو پریزیڈنسی کے تحت ای یو کونسل نے حالیہ دنوں میں اینٹی سیمیٹزم اور نسل پرستی کے بارے میں نکات طے کئے ہیں، لیکن کونسل یورپ کے اندر بڑھتے اسٹرکچرل اور ادارہ جاتی اسلاموفوبیا کو شامل کرنے اور اسے مخاطب کرنے میں ناکام رہی ہے۔ ان نکات میں روما، افریقی اور ایشیائی افراد کے خلاف نفرت کو بھی شامل نہیں کیا گیا۔
