حرم کعبہ میں پابندیاں ختم، امید ہے اگلا حج دنیا بھر سے عازمین کی شرکت کے ساتھ ہوگا، مرکزی جمعیت اہلحدیث

لاہور: نائب امیر مرکزی جمعیت اہل حدیث ڈاکٹر عبدالغفورراشد نے خانہ کعبہ میں دو سال بعد کورونا پابندیاں ختم کرنے کے بعدحرم مکی کو مکمل طور پر کھولنے اور پابندیوں کے بعد بغیر نماز پنجگانہ کی ادائیگی پر اللہ رب العزت کا شکر ادا کیا ہے اور کہا ہے کہ اللہ تعالیٰ کے فضل و کرم سے کورونا کے اثرات عالمی سطح پر کم ہونا شروع ہوگئے ہیں۔کورونا وبا کی پابندیوں کے باعث پوری دنیا کا نظام درہم برہم ہو گیا تھا۔ اب شکر ہے کہ پابندیاں نرم ہونا شروع ہوگئی ہیں۔ عنقریب عمرہ سے بھی پابندیاں اٹھا لی جائیں گی ۔ امید کرتے ہیں کہ اگلا حج مکمل طور پر جوش و جذبے کے ساتھ بغیر کسی پا بندیوں کے دنیا بھر سے عازمین کی شرکت کے ساتھ ہوگا۔ سعودی حکومت کے بیان پر شکرگزار ہیں کہ کورونا پابندیوں کو ختم کرکے نماز پنجگانہ کی ادائیگی کو بحال کیا گیا ہے۔حرم کعبہ کا روح پر ور منظر دیکھ کر دل خوش ہوا ہے،۔ انشاءاللہ انسانیت کو مفلوج کرنے والی وبا کورونا جلد ختم ہوجائے گی۔