Raza Musani 
دوحہ: حماس کے سربراہ اسماعیل ہنیہ نے کہاہے کہ پیرس اجلاس کی تجاویز کی قبولیت جارحیت کے خاتمے اور فوجی انخلاء سے مشروط ہے۔ اسماعیل ہنیہ نے کہاکہ پیرس اجلاس کی تجاویز مل گئی ہیں۔ تجاویز کا اپنے ہاں جائزہ لیں گے اور اس کے بعد مذاکرات کے لیے قاہرہ جائیں گے۔ انہوں نے کہا کہ حماس کسی بھی سنجیدہ تجاویز پر بات کے لیے تیار ہے۔ سنجیدہ تجاویز جارحیت کے خاتمے اور بےگھر لوگوں کی واپسی سے متعلق ہو۔ غزہ کی تعمیرنو اور قیدیوں کے تبادلے سے متعلق ہوں۔ انہوں نے کہا کہ اپنے قیدیوں کی رہائی کیلئے ضمانت چاہتے ہیں کہ اسرائیل انہیں دوبارہ گرفتار نہ کرے۔ حماس سربراہ نے کہا کہ حماس کی ترجیح غزہ پر اسرائیلی جارحیت کا خاتمہ ہے۔ اس کے لیے ضروری ہے کہ اسرائیلی فوج کا غزہ سے انخلاء کیا جائے۔ حماس کے ایک اور رہنما محمد نزال نے کہاکہ پیرس اجلاس کی تجاویز کا جائزہ لیکر کوئی فیصلہ کیا جائے گا۔ انہوں نے کہا کہ اسرائیلی فوج کے انخلا اور جنگ بندی سے پہلے کسی بھی معاہدے کو تسلیم نہیں کریں گے۔
