Raza Musani 
منامہ: خلیج تعاون کونسل نے غزہ میں جنگ بندی کے پہلے مرحلے کے فریم ورک کے معاہدے کی تکمیل کی اہمیت پر زور دیا۔ منامہ میں 46 ویں سربراہی کانفرنس کے مشترکہ اعلامیے میں جی سی سی نے کسی بھی رکن ملک کے خلاف طاقت کے استعمال یا دھمکی کو یکسر مسترد کر دیا۔ رہنماؤں نے کہا کہ رکن ممالک کے درمیان دیرینہ تعلقات کو مضبوط بنانا خطے کے استحکام، سلامتی، ترقی اور خوشحالی کے لیے ناگزیر ہے۔ افتتاحی اجلاس سے خطاب میں بحرین کے شاہ حمد بن عیسیٰ بن سلمان آل خلیفہ نے اس بات کا اعادہ کیا کہ جی سی سی کے رکن ممالک کی سلامتی اور خوشحالی ناقابل تقسیم ہیں۔ جی سی سی کے سیکریٹری جاسم محمد البدوَی نے غزہ میں معاہدے تک پہنچنے میں مدد میں قطر، مصر اور ترکیہ کی مسلسل کوششوں کی تعریف کی۔
