Raza Musani 
ریاض : سعودی عرب نے فلسطین اور دیگر عرب مقبوضہ علاقوں میں انسانی حقوق کی صورتحال پر زیادہ توجہ دینے کی ضرورت پر زور دیا ہے۔ جنیوا میں اقوام متحدہ کی انسانی حقوق کونسل میں خطاب کرتے ہوئے سعودی انسانی حقوق کمیشن کی صدر ڈاکٹر ھلا التجویری نے 1967 کی سرحدوں پرمشتمل آزاد فلسطینی ریاست کے قیام کے موقف کا اعادہ کیا جس کا دارالحکومت یروشلم ہوگا۔ انہوں نے کہا کہ اگر ہم چاہتے ہیں کہ انسانی حقوق کا احترام دنیا میں کہیں بھی غالب رہے تو ہمیں مذاہب اور مذہبی علامات کی توہین، نفرت انگیز تقریر جسیے معاشرے کو نقصان پہنچانے والے طریقوں کا مقابلہ کرنا ہوگا تاکہ مضبوط اور مربوط معاشرے برقرار رہیں۔
