مصری منصوبہ زمینی حقائق سے مطابقت نہیں رکھتا ہے، اسرائیل، امریکا

واشنگٹن : اسرائیل اور امریکا نے مصر کے غزہ کی تعمیر نو کے منصوبے کو مسترد کردیا۔ وائٹ ہاؤس نے مصر کے منصوبے کی مخالفت کرتے ہوئے کہا کہ یہ جنگ زدہ علاقے کے زمینی حقائق سے مطابقت نہیں رکھتا ہے۔ قومی سلامتی کونسل کے ترجمان برائن ہیوز نے کہاکہ غزہ اس وقت ناقابل رہائش ہے اور وہاں کے رہائشی ملبے اور نہ پھٹنے والے ہتھیاروں سے بھرے علاقے میں نہیں رہ سکتے۔
اسرائیلی وزارت خارجہ کے ترجمان اورین مارمورسٹین نےکہاکہ عرب سربراہ اجلاس کا اعلامیہ غزہ کی حقیقی صورت حال کا علاج نہیں کرتا ہے۔ اجلاس کے بیان میں حماس کے حملے کا کوئی ذکر نہیں کیا گیا۔ یہ بیان فلسطینی اتھارٹی اور انروا پر انحصار کر رہا ہے۔ جنہیں بدعنوان قرار دیا جا چکاہے۔