Raza Musani 
قاہرہ : مصری وزیر خارجہ بدر عبدالعاطی نے کہاہے کہ عرب ممالک پانچ برس کے اندر غزہ کی تعمیر نو کا کام مکمل کرنے کی صلاحیت رکھتے ہیں۔ العربیہ نیوز سے گفتگو کرتے ہوئے مصری وزیر خارجہ کا مزید کہنا تھا کہ عرب سربراہ اجلاس میں جس چیز پراتفاق ہوا ہے وہ ایک قابل عمل حقیقت ہے۔ تعمیرنو کے منصوبے کو تفصیلی شکل میں بیان کرنے کے لیے کئی دارالحکومتوں کا دورہ کیا جائے گا۔ انہوں نے کہا کہ جنگ کے بعد غزہ کی انتظامیہ آزاد فلسطینی شخصیات کے ہاتھوں میں ہونی چاہیے۔ غزہ کی تعمیر نو پر عمل درآمد کے لیے پائیدار فائر بندی لازم ہے۔ مصری وزیر خارجہ نے واضح کیا کہ فلسطینی ریاست کا قیام تشدد کی عدم تکرار یقینی بنانے کے لیے واحد ضمانت ہے۔
