Raza Musani 
قاہرہ : مصر نے غزہ کو چلانے کی اسرائیلی تجویز کو ناقابل قبول قرار دے کر مسترد کر دیا۔ مصری وزارت خارجہ کے ترجمان تمیم خلف نے کہا کہ کوئی بھی تصور یا تجویز جو غزہ پر مصراور عربوں کے موقف کو کمزور کرے قبول نہیں کی جاسکتی۔ خلف نے کہا کہ آزاد فلسطینی ریاست کے قیام کو نظرانداز کرنے والی کوئی بھی تجاویز آدھا حل ہیں جو تنازعہ کو حل کرنے کے بجائے اسے طول دینے کا خطرہ ہیں۔ انہوں نے کہا کہ غزہ کی پٹی اور مقبوضہ مغربی کنارہ اور اسرائیل کے زیر قبضہ مشرقی یروشلم فلسطینی علاقوں کے اٹوٹ انگ ہیں جنہیں مکمل فلسطینی خود مختاری اور انتظام کے تحت ہونا چاہیے۔
اسرائیلی اپوزیشن لیڈر یائر لیپڈ نے کہا تھا کہ غزہ کا حل یہ ہے کہ مصر آٹھ برس کے لیے انتظامی امور سنبھال لے اس مدت کو 15 برس تک بڑھانے کا اختیار بھی ہونا چاہیے۔
