امدادی ممالک انروا کی فنڈنگ اور امداد جاری رکھیں، گوتریس

نیویارک: اقوام متحدہ کے سیکرٹری جنرل انتونیو گوتریس نے ڈونر ممالک پر زور دیا ہے کہ وہ غزہ میں جاری امدادی کارروائیوں کے لیے امداد اور فنڈز کا سلسلہ جاری رکھیں۔ انتونیو گوتریس نے کہاکہ ہزاروں لوگ ‘انروا’ میں کام کرتے ہیں۔ ان میں سے بیشتر انسانی حقوق کا کام کرتے ہوئے سخت مشکلات سے دوچار ہے۔ چند افراد پر الزامات کی وجہ سے پورے ‘انروا’ اور اس کے تمام کارکنوں کو سزا نہیں دے سکتے۔ جو بھوکے اور برے حال کو پہنچے ہوئے لوگوں کی مدد کر رہے ہیں اور ان لوگوں کی بنیادی ضرورت کی چیزیں انہیں ضرور ملنی چاہئے۔ انتونیو گوتریس نے کہا کہ انروا کے اہلکاروں پر الزام کی غیر جانبدارانہ تحقیقات کرائی جائیں گی۔ تاکہ معلوم ہوسکے کہ الزام کس قدر حقیقت پر مبنی ہے اور اس کی روشنی میں کارروائی کی جاسکے۔