Raza Musani 
بیروت : لبنان نے امریکی دباؤ پر پناہ گزین کیمپوں میں فلسطینی دھڑوں کو غیر مسلح کرنا شروع کر دیا ہے۔ فلسطینی دھڑوں کو غیر مسلح کرنے کا اقدام لبنانی فوج کے دائرہ اختیار میں تمام ہتھیاروں کو اکٹھا کرنے کی وسیع تر کوششوں کا حصہ ہے۔ یہ فیصلہ اکیس مئی کو فلسطینی صدر محمود عباس اور لبنانی صدر جوزف عون کی ملاقات میں کیا گیا تھا۔
بارہ پناہ گزین کیمپوں سے اسلحہ جمع کرنے کا سلسلہ بیروت کے برج البراجنہ کیمپ سے شروع کیا گیا ہے۔ فتح کے ایک سینیئر کمانڈر سوبی ابو عرب نے بتایا کہ جو ہتھیار فوری طور پر حوالے کیے جا رہے ہیں وہ غیر قانونی ہتھیار ہیں جو ان کے جوانوں نے کیمپ میں جمع کیے ہیں نہ کہ ان کے اپنے ہتھیار ہیں۔
