Raza Musani 
غزہ : جنگ بندی قرارداد کی منظوری کے باوجود اسرائیلی حملے جاری ہیں۔ رفح میں بمباری سے اٹھارہ فلسطینی شہید ہو گئے۔ صیہونی فوج نے رفح میں ایک گھر کو نشانہ بنایا۔ شہدا میں نو بچے بھی شامل ہیں۔ جبکہ کئی افراد زخمی ہوئے۔ ادھر فضا سے گرائی گئی امداد کے حصول میں بارہ افراد بحیرہ احمر میں ڈوب گئے وہ تیرتے ہوئے پارسل پکڑنے سمندر میں اترے تھے جبکہ چھ افراد بھگدڑ میں کچلے گئے۔ اسرائیلی فوج نے کہا ہےکہ چوبیس گھنٹوں میں ساٹھ اہداف کو نشانہ بنایا ہے۔ جس میں عمارتیں اور دیگر مقامات شامل ہیں۔ وزارت صحت کے مطابق چوبیس گھنٹوں کے دوران 81 افراد شہید اور 93 زخمی ہوئے۔ شہدا کی مجموعی تعداد بتیس ہزار پانچ سو تک جاپہنچی ہے۔
