Raza Musani 
غزہ: جنگ بندی معاہدے کے باجود صیہونی فوج کے حملوں میں کمی نہ آسکی۔ جنگی طیاروں کی تازہ ترین بمباری سے بائیس فلسطینی شہید اور تیس سے زائد زخمی ہوگئے۔ اسرائیلی افواج نے غزہ پر زمینی، سمندری اور ہوا کے ذریعے اپنی جارحیت کا سلسلہ جاری رکھا ہوا ہے ۔ اسرائیلی جنگی طیاروں نے شمال مشرقی غزہ سٹی میں یافا اسٹریٹ کے ساتھ واقع مکانات کو نشانہ بنایا جس کے نتیجے میں متعدد شہادتیں ہوئیں۔جنگی طیاروں نے جبالیہ اور نصیرات پناہ گزین کیمپ پر فضائی حملے اور توپ خانے سے گولہ باری کی۔ الطیاران جنکشن پر حملے میں تین فلسطینی جان سے گئے۔ خان یونس پر حملے میں تین جبکہ شجاعیہ میں چار فلسطینی شہید ہوئے۔ شہدا کی مجموعی تعداد چھیالیس ہزار 788 ہوگئی ہے۔
