Raza Musani 
غزہ: جنگ بندی کے باوجود صیہونی فوج کی درندگی میں کمی نہ آسکی۔ غزہ اور مغربی کنارے میں فائرنگ کرکے دو خواتین سمیت چھ فلسطینی شہید کردئے. صیہونی فوج نے غزہ کے مشرقی علاقے ملیکہ میں فلسطینیوں کے ہجوم پر فائرنگ کردی۔ جس سے تین فلسطینی شہید اور دو زخمی ہوگئے۔ صیہونی فوج نے دعویٰ کیا ہے کہ ہجوم اس کی طرف جارحانہ انداز میں بڑھ رہا تھا۔ جبکہ مقامی افراد کا کہناہےکہ اس وقت فائرنگ کی جب وہ کویت گول چکر کے مشرق میں اپنے گھروں کو واپس جا رہے تھے.
ادھر خان یونس میں بھی فائرنگ سے ایک معمر خاتون شہید ہوگئی۔ نور شمس کیمپ میں فائرنگ سے ایک حاملہ خاتون شہید ہوگئی. شجاعیہ میں بھی فائرنگ سے ایک فلسطینی جان سے گیا۔
دوسری جانب صیہونی فوج نے مغربی کنارے میں آپریشن کو توسیع دیدی ہے۔ طوباس کے جنوب میں واقع الفارعہ کیمپ میں مزید فوج بھیجی گئی ہے۔ طوباس کے گورنر احمد الاسعد نے کہاہے کہ اسرائیل الفارعہ کے مکینوں کو پانی اور ادویات سے سے محروم کرکے وہاں سے نکل جانے پر مجبور کررہا ہے۔
