Raza Musani 
لندن : برطانیہ سمیت یورپ کے مختلف شہروں میں ہزاروں افراد نے غزہ جنگ کے خلاف مظاہرے کئے اور ریلیاں نکالیں۔
برطانیہ میں فلسطین کے حامی مظاہرین نے غزہ میں نسل کشی کے خلاف مسلسل 23 ویں ہفتے ریلیاں نکالیں اور مختلف شہروں کی سڑکوں کو بھر دیا۔ لندن میں ہزاروں افراد نے احتجاجی ریلی نکالی۔برطانوی مظاہرین نے وعدہ کیا کہ جب تک غزہ والوں کا قتل عام بند نہیں ہو جاتا وہ اپنی ریلیاں جاری رکھیں گے۔ مختلف شہروں میں مظاہرین نے اسلحہ ساز کمپنیوں اور بارکلیز بینک کی شاخوں کا محاصرہ کیا۔ فرانس کے دارالحکومت پیرس میں مظاہرین سڑکوں پر نکل آئے اور غزہ میں نسل کشی کے خلاف مظاہرہ کیا۔ رومانیہ کے شہر بخارسٹ میں مظاہرین نے سرکاری عمارتوں کے باہر احتجاج اور آزاد فلسطین کا مطالبہ کیا۔
جرمنی کے شہر برلن میں احتجاجی ریلی نکالی گئی۔ آئرلینڈ کے شہر ڈبلن میں لوگوں کی بڑی تعداد نے فلسطین کے حق میں مارچ کیا۔
