Raza Musani 
پشاور: پاک افغان دوستی بس دوبارہ شروع کرنے کا فیصلہ کیاگیا ہے، بس سروس کی سیکیورٹی اور ضابطہ اخلاق ترتیب دینے کے حوالے سے کمشنر پشاور ڈویژن ریاض خان محسود کی زیر صدارت اہم اجلاس منعقد ہوا ۔اجلاس میں فیصلے کئے گئے کہ پاک افغان دوستی بس سروس دوبارہ فعال کرنے کیلئے معیاری بس کمپنی کی خدمات حاصل کی جائیں گی اس مقصد کیلئے 14 جنوری کو ٹینڈر جاری کیا جائیگا۔پاک افغان دوستی بس سروس کے ذریعے پاکستانی حکومت کے زیرِ اہتمام چالیس بسوں میں مسافروں کو پشاور تا جلال آباد جب کہ افغان حکومت کی زیرِ سایہ مزید چالیس بسوں کے ذریعے روزانہ مسافروں کو جلال آباد تا پشاور لایا جائے گا بسوں اور مسافروں کی حفاظت کیلئے پشاور اور ضلع خیبر کی ضلعی انتظامیہ اور پولیس انتظامیہ کو حفاظتی پلان ترتیب دینے کے احکامات جاری کئے گئے.
