فرقہ وارانہ تشدد میں ملوث گروہ اور رہنماؤں کا ڈیٹابیس مرتب کرنے کا فیصلہ

لاہور: پنجاب حکومت نے مذہبی اور فرقہ وارانہ تشدد میں ملوث گینگز اور مذہبی رہنماؤں سے سختی سے نمٹنے کے لئے ان کا ڈیٹا بیس مرتب کرنے کا فیصلہ کیا ہے۔ پنجاب حکومت مذاہب کے حوالے سے کانفرنسیں بھی منعقد کرے گی جن میں مذہبی رہنماؤں اور سوشل میڈیا پلیٹ فارمز کو مدعو کیا جائے گا تاکہ رواداری اور برداشت کو فروغ دیا جاسکے۔محکمہ داخلہ نے صوبے میں غیر قانونی طور پرمقیم افغان مہاجرین کی رضا کارانہ طور پر واپسی کےعمل کوتیز کرنے کے لئے ان کا ڈیٹا مرتب کرنے کئے احکامات بھی جاری کئے ہیں۔افغان کمشنریٹ سے مل کر ان کی رضاکارانہ واپسی کے لئےفوری مشترکہ عملی اقدامات کےلئےکوششیں تیزکردی گئی ہیں۔ افغانستان کی صورتحال کے پیش نظر پنجاب میں اسلحے کی سمگلنگ میں اضافے کی رپورٹس کے بعد پنجاب کے بارڈر اور موٹر ویز پر رینجرز ، ایف سی اور خفیہ اداروں کی مشترکہ چیک پوسٹیں بنانے کے احکامات بھی جاری کئے گئے۔