ماسکو دہشت گردی میں ہلاکتیں 145 ہوگئیں، روس میں یوم سوگ

ماسکو: روسی دارالحکومت ماسکو کے دہشت گردانہ حملے میں ہلاکتیں 145 ہوگئیں۔ واقعہ کیخلاف آج روس میں یوم سوگ منایا جارہا ہے۔ ماسکو واقعہ کے شدید زخمیوں کے دم توڑنے سے ہلاکتوں میں مسلسل اضافہ ہورہا ہے۔ جبکہ سو سے زائد زخمیوں میں سے اب بھی کئی کی حالت تشویشناک ہے۔ واقعہ کیخلاف ملک میں بھر تعزیتی تقریبات ہورہی ہیں جبکہ روس کا قومی پرچم بھی سرنگوں ہے۔ گذشتہ روز روسی صدر پیوٹن نے کہا تھا کہ چاروں حملہ آوروں کو گرفتار کرلیا گیا ہے۔ وہ یوکرین کی طرف جارہے تھے جہاں سرحدوں کو عبور کرنے کے لیے ایک کوریڈور تیار تھا۔ پیوٹن نے کہا کہ دہشت گردوں کو ناقابل تلافی انجام اور انتقام کا سامنا کرنا ہوگا، ان کا کوئی مستقبل نہیں ہے۔ روس نے دہشت گردوں کی قومیت ظاہر نہیں کی ہے تاہم مقامی میڈیا نے کہا ہےکہ ان کا تعلق تاجکستان سے ہے۔