شامی عوام کے مصائب کو کم کرنے میں تعاون کیا جائے، سعودیہ/برطانیہ

ریاض : سعودی عرب اور برطانیہ نے شامی عوام کے مصائب کو کم کرنے میں مکمل تعاون فراہم کرنے کی اپیل کی ہے۔ برطانوی وزیر اعظم کیئر اسٹامر کے دورہ ریاض کے اختتام پر جاری مشترکہ بیان میں زور دیا گیا کہ اب وقت آ گیا ہے کہ شامی عوام کو ایک روشن مستقبل حاصل ہو جو امن ، استحکام اور خوش حالی سے بھرپور ہو۔ دونوں ممالک نے علاقائی کشیدگی کم کرنے کی ضرورت پر زور دیا اور اقوام متحدہ کے منشور کی پاسداری کی اہمیت کو باور کرایا۔ اعلامیہ میں لبنان میں فائر بندی کے معاہدے کو برقرار رکھنے اور سلامتی کونسل کی قرار داد 1701 کے مطابق سیاسی تصفیے تک پہنچنے کی ضرورت پربھی زور دیا گیا ہے۔