Raza Musani 
نئی دہلی : ہندوستان کے صوبے بہار کے مسلم اکثریتی ضلع کشن گنج میں فسادات کیلئے شرپسندوں نے دو مندروں کو آگ لگادی۔
شرپسندی کا یہ واقعہ رات تین بجے کے قریب پوچا دمن پولیس اسٹیشن کی حدود میں مستان چوک پر پیش آیا۔ آگ سے درگا ماتا مندر مکمل طور پر خاکستر ہوگیا جبکہ بجرنگ بلی مندر کو جزوی نقصان پہنچا۔ مندر کے ساتھ واقع تین دکانیں اور بجرنگ بلی مندر کے پجاری کا مکان بھی جل گیا۔ مقامی افراد کے مطابق امن و امان کو درہم برہم کرنے کے لئے مندروں کو نشانہ بنایا گیا۔ واقعہ کیخلاف مقامی افراد نے احتجاج کیا جس سے مستان چوک پر ٹریفک معطل ہوگیا۔ ضلع انتظامیہ کی ٹیم فوری جائے واقعہ پر پہنچ گئی اور عوام کو سمجھا بجھاکر راستہ کھلوا دیا۔ عوام نے مطالبہ کیا کہ مندر کو نقصان پہنچانے والوں کی نشاندہی کی جائے اور انھیں جلد از جلد گرفتار کیا جائے۔ متاثرین کو معاوضہ دیا جائے گا۔
