Raza Musani 
نئی دہلی : اگنی پتھ مودی سرکار کے گلے کی ہڈی بن گیا۔ فوجی بھرتی کے نئے نظام کے خلاف اپوزیشن جماعت کانگریس کی بھارت بند کی کال پر نئی دہلی،بہار، ہریانہ، پنجاب، مغربی بنگال، اوڈیشہ اور اترپردیش سمیت مختلف ریاستوں میں احتجاج کیا جارہا ہے۔ پورے ملک میں سیکیورٹی ہائی الرٹ ہے۔ جگہ جگہ فورسز کی اضافی نفری تعینات کردی گئی۔احتجاج کی وجہ سے درجنوں ٹرینیں منسوخ اور سینکڑوں کا شیڈول متاثر ہوا۔ نئی اسکیم کے تحت نوجوانوں کو فوج میں چار سال کے لیے بھرتی کیا جائے گا۔ اورصرف 25 فیصد کو مستقل کیا جائے گا۔ مدت کی تکمیل پر پنشن بھی نہیں ملے گی۔اگنی پتھ کو فوج میں سکھوں کی تعداد کم کرنے اور اسے برہمن فوج بنانے کی کوشش قرار دیا جارہا ہے۔
