Raza Musani 
تل ابیب: فلسطینی حقوق کی تنظیم فلسطینی المیزان سینٹر فار ہیومن رائٹس نے اسرائیلی جیل میں قید کمال عدوان اسپتال کے ڈائریکٹر ڈاکٹر حسام ابو صفیہ پر تشدد اور ناروا سلوک کی تصدیق کردی۔ المیزان سینٹر کے وکیل نے اوفر جیل میں ابوصفیہ سے ملاقات کی اور بتایا کہ انہیں غیر قانونی جنگی قانون کے تحت حراست میں لیا گیا ہے، حالانکہ ان کی حیثیت ایک عام ڈاکٹر کی ہے۔ انہیں دسمبر میں کام کی جگہ سے حراست میں لیا گیا تھا۔ المیزان نے وضاحت کی کہ غیر قانونی جنگی قانون فلسطینیوں کو مقدمہ چلائے بغیر قید رکھنے کی اجازت دیتا ہے۔
تنظیم نے اسرائیلی فیصلے کو من مانی، غیر قانونی اور انتقامی قرار دیتے ہوئے کہا کہ یہ اقدام اسرائیلی استغاثہ کی ابو صفیہ کے خلاف اپنے الزامات کو ثابت کرنے میں ناکامی کو بھی ظاہر کرتا ہے۔ تنظیم نے بین الاقوامی برادری اور اقوام متحدہ کے اداروں پر زور دیا کہ وہ زیر حراست طبی اور انسانی ہمدردی کے عملے کے ساتھ ابو صفیہ کی فوری رہائی کے لیے اقدامات کریں۔
