Raza Musani 
جنیوا : اقوام متحدہ کے ادارے انروا نے کہا ہے کہ غزہ میں خون جمادینے والی سردی بےگھر بچوں کیلئے جان لیوا ثابت ہورہی ہے۔ اقوام متحدہ کے ادارہ برائے فلسطینی پناہ گزین انروا نے کہا ہے کہ جنگ بندی شروع ہونے کے بعد سے سردی کے باعث کم از کم سات فلسطینی بچے دم توڑ چکے ہیں۔ منجمد درجہ حرارت اور مسلسل بارش نے بے گھر خاندانوں کے لیے پہلے سے ہی سنگین حالات کو مزید خراب کر دیا ہے۔ بیشتر اسرائیل کی بمباری کی وجہ سے پناہ کے بغیر رہ گئے ہیں۔
انروا نے کہا ہےکہ موسم سرما اور نقل مکانی کی وجہ سے متاثرین کو بہت زیادہ نقصان پہنچا ہے۔ انروا نے کہا ہے کہ وہ اسرائیلی پابندی کے باوجود ضرورت مندوں کو زندگی بچانے والی امداد کی فراہمی جاری رکھنے کے لیے پرعزم ہے۔
